რუსული ცირკი ყინულზე თბილისში პირველად ჩამოვა

თბილისი, 22 დეკემბერი – Sputnik. საქართველოს გასტროლებით პირველად ეწვევა რუსული ცირკი ყინულზე (Circus on Ice), რომლის წარმოდგენები თბილისის ცირკში გაიმართება, აცნობეს Sputnik–საქართველოს ორგანიზაციაში.

„პირველად საქართველოში – ცირკი ყინულზე. თქვენ დაგხვდებათ ჯადოსნური ატმოსფერო ულამაზესი გაფორმებით და ლაზერ-შოუ“, – ნათქვამია ღონისძიების ანონსში.

ბავშვების საახალწლო განწყობაზე იზრუნებენ აკრობატები, ჟონგლიორები და, რა თქმა უნდა, მხიარული კლოუნი, აღნიშნავენ ცირკში.

სანახაობები გაიმართება 26, 28, 29 და 30 დეკემბერს 13:00 და 17:00 საათებზე. ზრდასრული პირების დასწრებისთვის სავალდებულოა „მწვანე პასპორტი“.