აჭარის მაღალმთიანეთში თოვლმა პრობლემები შექმნა

Sputnik
თბილისი, 22 დეკემბერი — Sputnik. აჭარის მაღალმთიანეთში დიდთოვლობამ პრობლემები შექმნა, თოვლის საფარი თითქმის ერთ მეტრს აღწევს, იუწყება აჭარის საავტომობილო გზების დეპარტამენტი.
უწყების ცნობით, ხულოს, შუახევის, ქედისა და ხელვაჩაურის მუნიციპალიტეტების სოფლებში გზების გაწმენდის სამუშაოები ინტენსიურად მიმდინარეობს.
„ხულოს მუნიციპალიტეტში 15 ერთეული ტექნიკა მუშაობს, შუახევში – ათი, ქედაში – რვა, ხოლო ხელვაჩაურში – შვიდი“, – ნათქვამია განცხადებაში.
ამ ეტაპზე ადმინისტრაციულ ერთეულებთან მისასვლელი გზები იწმინდება.