თბილისი, 13 დეკემბერი – Sputnik. მიმდინარე წლის 1 სექტემბრიდან 12 დეკემბრის ჩათვლით საქართველოდან 11,2 ათასი ტონა ხურმისა და კარალიოკის ექსპორტი განხორციელდა, მიღებულმა შემოსავალმა კი 5,6 მლნ აშშ დოლარი შეადგინა. ინფორმაციას გარემოს დაცვისა და სოფლის მეურნეობის სამინისტრო ავრცელებს.
მიმდინარე წელს წარმოებული ხურმა და კარალიოკი ძირითადად გავიდა სომხეთში – 5.097 ტონა, რუსეთის ფედერაციაში – 3.645 ტონა, უკრაინაში – 2.263 ტონა, და თურქეთში – 108 ტონა.
აღნიშნული ქვეყნების გარდა, ექსპორტი განხორციელდა აგრეთვე ყაზახეთში – 62 ტონა და მოლდოვაში – 39 ტონა.
უწყების ცნობით, 10 ტონამდე ხურმა და კარალიოკი კიდევ სხვა ქვეყნებშია გატანილი.