მაკა ასათიანის უფროსი ვაჟი კახი ჟორდანია და მისი რჩეული ნანიკო კლდიაშვილი 2017 წლის სექტემბერში დაქორწინდნენ. როგორც ცნობილია, ნანიკოს წარმატებული სამოდელო კარიერა აქვს და მას არაერთ მნიშვნელოვან ჩვენებაში მიუღია მონაწილეობა.
ქორწილში მას ჯაბა დიასამიძის მიერ შექმნილი კაბა ეცვა. წყვილს პირველი შვილი 2020 წლის 14 თებერვალს შეეძინა. ნანიკომ შვეიცარიის ერთ-ერთ კლინიკაში იმშობიარა. ახალშობილს ლეა დაარქვეს.
ამჯერად კი ნანიკო კლდიაშვილი სოციალურ ქსელში ფოტოებს დაბადების დღის წვეულებიდან აქვეყნებს და სტუმრებს მადლობას უხდის. წვეულებას, რომელიც კახეთის ერთ-ერთ ცნობილ სასტუმროში გაიმართა, არაერთი ცნობილი სახე ესწრებოდა, მათ შორის, ბახვა ბრეგვაძე, მარიანა აჩბა, სალომე ღვინიაშვილი და ზურა ხიზანიშვილი, ანი პირველი და სხვ.
იუბილარმა მეგობრების გარემოცვაში დრო მხიარულად გაატარა, სადღესასწაულო სანთლებიც ჩააქრო და კამერის წინ პოზირებაც მოახერხა.
მაკა ასათიანი ამჟამად მეორე ქმართან კოტე გოგელიასთან ერთად ცხოვრობს, რომელთანაც ერთი ვაჟი - კონტასტინე ჰყავს. დიზაინერს პირველი ქორწინებიდან ორი ვაჟი - კახი და ლევანიკო ჟორდანიები ჰყავს.