ნინი შერმადინი სოციალურ ქსელში სამწუხარო ინფორმაციას ავრცელებს. როგორც მომღერალი წერს, მისი სიმღერის მასწავლებელი კორონავირუსით გარდაიცვალა.
„თამრი, ეს რა მიქენი, შენი გაზრდილი ვიყავი, შენ მასწავლე სიმღერები. შენც დამტოვე? წადი, ჩაგიხუტებს გულში შენი ძმა და რძალი, იქ უკეთესია ალბათ, ჩემო ლამაზო. შენ ისეთი სუფთა ხარ, სამოთხის კარი ღიაა უკვე შენთვის. მიყვარხარ ძალიან და ილოცე მაქედან ჩემთვის, რომ მეც, როცა იქნება ჩემი ჯერი, გნახოთ იქ, სადაც ყველაფერი ლამაზია. დედა და მამა დამიკოცნე, მიყვარხარ და შეხვედრამდე”, – დაწერა ნინი შერმადინმა.
მომღერალი ნინი შერმადინი უკვე 8 წელია ამერიკაში ცხოვრობს და მუშაობს. ის ერთ-ერთი ბანკის თანამშრომელია და პარალელურად მუსიკისთვისაც ხშირად იცლის. გასულ წელს მან სოციალურ ქსელში სამწუხარო ინფორმაცია გაავრცელა და დაწერა, რომ ჯერ მამა, რამდენიმე თვის შემდეგ კი დედა გარდაეცვალა.