თბილისი, 1 დეკემბერი — Sputnik. რუსეთი ხისტად უპასუხებს ნატოს ნებისმიერ არამეგობრულ ნაბიჯს, განაცხადა რუსეთის საგარეო საქმეთა მინისტრმა სერგეი ლავროვმა.
„ნებისმიერ არამეგობრულ ნაბიჯზე განვაგრძობთ ხისტად რეაგირებას და არ დავუშვებთ ჩვენი ეროვნული ინტერესებისთვის არანაირი ზიანის მიყენებას“, — აღნიშნა ლავროვმა ფედერაციის საბჭოში გამართულ „სამთავრობო საათზე“.
მინისტრის თქმით, რუსეთი არავის არაფერს არ ახვევს თავს და არ ცდილობს ვინმეს რამე ასწავლოს, მზადაა საერთაშორისო სამართალზე, უპირველესად კი ნატოს წესდების პრინციპებზე დაფუძნებული თანასწორუფლებიანი სახელმწიფოთშორისი დიალოგისთვის ყველა მხარესთან.
„ამასთან ჩვენ საძირკველშივე აღვკვეთთ ჩვენთან მენტორული, ამპარტავნული ტონით საუბრისა და, მით უმეტეს, ჩვენი დაშანტაჟების, ჩვენს საშინაო საქმეებში ჩარევის მცდელობებს“, — განაცხადა ლავროვმა.
რუსეთის საგარეო უწყების ხელმძღვანელის თქმით, „პასუხი ყოველთვის ხისტი და მტკიცე იქნება“.
მანამდე ნატოს გენერალურმა მდივანმა იენს სტოლტენბერგმა რიგის სამიტზე ჟურნალისტებს განუცხადა, რომ ალიანსი კვლავაც განაგრძობს რუსეთ–უკრაინის საზღვარზე შექმნილ სიტუაციაზე დაკვირვებასა და კიევის დახმარებას.