თბილისი, 1 დეკემბერი – Sputnik. აზერბაიჯანის სურსათის უვნებლობის სააგენტოს ინსპექტორებმა საქართველოდან იმპორტირებული კარტოფილის პარტია უკან დააბრუნეს, იტყობინება „Sputnik-აზერბაიჯანი“.
იმპორტირებული პროდუქციის ხარისხის მონიტორინგის ფარგლებში სააგენტოს სპეციალისტებმა რესპუბლიკაში კომპანია ZE-DENT-ის მიერ შეტანილი 89,6 ტონა კარტოფილის რამდენიმე პარტიიდან ნიმუშები შეამოწმეს.
ლაბორატორიულმა ანალიზმა საქართველოდან იმპორტირებულ კარტოფილში საკარანტინო ობიექტის – ღეროვანი ნემატოდის არსებობა აჩვენა.
აღნიშნულის გამო კარტოფილის მთლიანი პარტია საქართველოში დააბრუნეს.