„გაგებით ვეკიდებით“ – გრიბოედოვის თეატრის დირექტორი ახალ წესებზე

თბილისი, 24 ნოემბერი – Sputnik. საქართველოში ჯერ კიდევ ბევრია კორონავირუსზე აუცრელი, ამიტომ ამ ახალ პირობებში ზარალზე მუშაობას თავს ვერ ავარიდებთ, განუცხადა „Sputnik–საქართველოს“ თბილისის გრიბოედოვის სახელობის რუსული დრამატული თეარის დირექტორმა ნიკოლაი სვენტიცკიმ.

საქართველოში 1 დეკემბრიდან თეატრების, კინოთეატრების, საკონცერტო დარბაზების სტუმრების რაოდენობა 30-დან 50 პროცენტამდე გაიზრდება. ამასთან მაყურებლებს „მწვანე პასპორტები“ უნდა ჰქონდეთ.

ის იმედოვნებს, რომ ახალი შეზღუდვები სტიმული გახდება ვაქცინაციისთვის.

„ზარალი ჯერჯერობით იქნება. ეს ხომ არ ნიშნავს, რომ 1 დეკემბრიდან ყველა გაიქცევა ასაცრელად, რათა გრიბოედოვის თეატრში მოვიდეს. მაგრამ არის იმედი, რომ მოსახლეობის კიდევ რაღაც ნაწილი წავა ვაქცინაციაზე და მიხედავს თავის ჯანმრთელობას“, – აღნიშნა სვენტიცკიმ.

ბოლო მონაცემებით, კორონავირუსზე ორი დოზით ზრდასრული მოსახლეობის 34,5%-ია აცრილი. ეპიდემიოლოგები მიიჩნევენ, რომ ეს არასაკმარისია და პანდემიასთან გასამკლავებლად სულ მცირე 60% უნდა იყოს ვაქცინირებული.