ამჟამად 63 წლის მსახიობს შერონ სტოუნს არაერთხელ უთქვამს, რომ მისი პირადი ცხოვრება დასრულებულია და ის პაემნებზე სიარულს აღარ აპირებს, თუმცა სიტყვები ერთია, ქცევა კი მეორე.
„ძირითადი ინსტინქტის“ ვარსკვლავი გასულ კვირას უცნობ მამაკაცთან პაემანზე გადაიღეს. ახლახან კი ინტერნეტ-სივრცე შერონის ახალმა ფოტოებმა დაიპყრო. ის ბევერლი-ჰილზზე, რესტორნიდან გამოსვლის დროს დააფიქსირეს. მან მეგობარ ქალბატონთან ერთად ივახშმა, ლიფტთან კი ახალგაზრდა, საოცრად სიმპათიური მამაკაცი დახვდა, რომელსაც სტოუნი ჩაეხუტა.
ისინი იღიმოდნენ, ფლირტი თვალსაჩინო იყო. 63 წლის მსახიობი, როგორც ყოველთვის, ელეგანტურად გამოიყურებოდა, მას ლურჯი პიჯაკი და თავისუფალი სტილის, ნაცრისფერი შარვალი ამშვენებდა. საოცრად ელეგანტურად გამოიყურებოდა უცნობი იდუმალი მამაკაციც, მას ატმისფერი პიჯაკი და თეთრი შარვალი ეცვა.