თბილისი, 23 ნოემბერი — Sputnik. არსებობს ადამიანთა კატეგორია, რომლებმაც ან მინიმუმამდე უნდა დაიყვანონ კომბოსტოს მოხმარება, ან სრულად უნდა ამოიღონ რაციონიდან, აცხადებს ენდოკრინოლოგი და დიეტოლოგი ნატალია ბოშაროვა.
მისი თქმით, პირველ რიგში ეს შეზღუდვა ეხება მათ, ვისაც კუჭ-ნაწლავის სისტემის პრობლემები აწუხებს. ექიმმა განსაკუთრებულად გამოყო ენტეროკოლიტის შემთხვევა.
აკრძალვის მიზეზი — ეს არის უჯრედისი, რომელიც მინიმუმ შებერილობასა და მეტეორიზმს იწვევს, მაქსიმუმ — გამწვავებას.
„უხეში ბოჭკოები კომბოსტოს ძნელად გადასამუშავებელს ხდის. ბოსტნეული მავნებელია მათთვის, ვისაც კუჭ-ნაწლავის ტრაქტის ოპერაცია აქვს გადატანილი და ახლა ორგანიზმი რეაბილიტაციას გადის. გარდა ამისა, კომბოსტო იკრძალება ორ წლამდე ასაკის ბავშვებისთვისაც“, — აცხადებს ექიმი.
მისი თქმით, კომბოსტო საზიანოა პანკრეატიტის დროსაც. ასეთი დიაგნოზის მქონეებს დღეში მხოლოდ 100 გრამი კომბოსტოს მიღება შეუძლიათ — ნედლი, მოხარშული თუ ჩაშუშული სახით.