თბილისი, 21 ნოემბერი - Sputnik. უცნობმა პირმა იერუსალიმის ძველ ქალაქში ცეცხლი გახსნა, არიან დაშავებულები, თავდამსხმელი განეიტრალებულია, იუწყება ისრაელის პოლიციის პრესსამსახური.
„იერუსალიმის ძველ ქალაქში სროლასთან დაკავშირებული ინციდენტი მოხდა. ტერორისტი განეიტრალებულია, შემთხვევის ადგილზე არიან დაჭრილები, რომელთაც ამ წუთებში სამედიცინო დახმარებას უწევენ", - ნათქვამია განცხადებაში.
თავის მხრივ, ისრაელის სასწრაფო დახმარების სამსახური „მაგენ დავიდ ადომი“ იუწყება, რომ ადგილობრივი დროით 9:01 საათზე მიიღეს შეტყობინება იერუსალიმში სროლის შედეგად 30 წლის ასაკის ორი დაშავებულის შესახებ. ერთის მდგომარეობა კრიტიკულია, მეორე დაშავებულის მდგომარეობა საშუალო სიმძიმისაა.