თბილისი, 11 ნოემბერი — Sputnik. ამერიკაში მოდის დიზაინერების დაჯილდოებაზე Balenciaga-ს კრეატიულმა დირექტორმა დემნა გვასალიამ გაიმარჯვა კატეგორიაში „ქალის სამოსში წლის საერთაშორისო დიზაინერი“.
ეს მოდის სფეროში ყველაზე მნიშვნელოვანი ჯილდოა, რომელსაც „მოდის ოსკარსაც“ უწოდებენ. საბჭოს, რომელმაც საუკეთესო დიზაინერები გამოავლინა, ტომ ფორდი ხელმძღვანელობდა.
დემნა გვასალიას გარდა, ამ კატეგორიაში წარდგენილი იყვნენ: დანიელ ლი (Bottega Veneta), რაფ სიმონსი და მიუჩია პრადა (Prada), პიერპაოლო პიჩოლი (Valentino) და სიმონ ჟაკმუსი (JACQUEMUS).
დემნამ აღნიშნული ჯილდო უკვე მეორედ მოიპოვა. პირველად ამერიკის მოდის დიზაინერების დაჯილდოებაზე წლის საერთაშორისო დიზაინერად ის ოთხი წლის წინ დაასახელეს.