თბილისი, 10 ნოემბერი - Sputnik. ინგლისში იპოვეს კასეტა, რომლის ჩაწერაშიც მონაწილეობა აქვთ მიღებული ლეგენდარულ მუსიკოსებს - ბრიტანული მუსიკალური ჯგუფის The Beatles-ის წევრებს - ჯორჯ ჰარისონსა და რინგო სტარს, იუწყება გამოცემა Evening Standard.
კასეტა 50 წლის შემდეგ დიდ ბრიტანეთში, სახლის სხვენშია აღმოჩენილი. როგორც აღმოჩნდა, კომპოზიტორმა სურეშ ჯოშიმ კომპოზიცია Radhe Shaam 1968 წელს The Beatles-ის წევრებთან თანამშრომლობით ჩაწერა.
ჯგუფი Beatles
© AP Photo / Dan Grossi
ჯოშის თქმით, კომპოზიციის ვოკალისტი იყო აიშიშ ჰანი, ჰარისონი უკრავდა გიტარაზე, რინგო სტარი კი - დრამზე. მაგრამ ისე მოხდა, რომ სიმღერა არ გავრცელდა, რადგან ყველა მონაწილე სხვადასხვა მიზეზით სხვა პროექტებში მოხვდა.
და მხოლოდ 53 წლის შემდეგ, კორონავირუსის პანდემიის დროს, ჯოში გადააწყდა ჩანაწერს ბირმინგემში, თავისი სახლის სხვენში. სიმღერა პირველად ლივერპულში, The Beatles-ის მუზეუმში 10 ნოემბერს აჟღერდა. მალე კი უნიკალური ჩანაწერი ქსელში გამოჩნდება.