უკვე ერთი კვირა გავიდა ოპერატორ გალინა ჰატჩინსის ტრაგიკული სიკვდილის შემდეგ და აქამდე ბევრი ვერსიაც ითქვა. ალეკ ბოლდუინის განცხადებით, მას გადაღებამდე უთხრეს, რომ იარაღი უსაფრთხო იყო.
ცოტა ხნის წინ შერიფმა ოფიციალური განცხადება პირველად გააკეთა და განაცხადა, რომ ჯერჯერობით ბრალი ოფიციალურად არავისთვის წაუყენებიათ. მისი განცხადებით, ვინც არ უნდა იყოს დამნაშავე, პასუხს აუცილებლად აგებს.
რეჟისორის თანაშემწემ დეივ ჰოლსმა აღიარა, რომ იარაღი ალეკს ისე გადასცა, რომ ის არ შეუმოწმებია და მის უსაფრთხოებაში არ დარწმუნებულა.
„ვაღიარებ, მე იარაღი უნდა შემემოწმებინა, სანამ ალეკს გადავცემდი, მაგრამ არ შევამოწმე“, – აცხადებს დეივ ჰოლსი.
22 ოქტომბერს ნიუ-მექსიკოს შტატში ვესტერნ Rust-ის („ჟანგი“) გადასაღებ მოედანზე უბედური შემთხვევა მოხდა. მსახიობ ალეკ ბოლდუინის მიერ გასროლილ იარაღს 42 წლის ოპერატორის გალინა ჰატჩინსის სიცოცხლე შეეწირა, ასევე დაიჭრა რეჟისორი ჯოელ სოუსა.