მიუხედავად იმისა, რომ ჯენიფერ ლოპესიც და ბენ აფლეკიც საკმაოდ დატვირთული ცხოვრებით ცხოვრობენ და მუდამ გადაღებების პროცესში არიან ჩართული, ერთმანეთისთვის დროს მაინც პოულობენ.
ამჯერად წყვილმა ღამე ნიუ-იორკში მდებარე სასტუმრო Mandarin-ში გაატარა. ისინი პაპარაცების ობიექტივში საღამო ხანს მოხვდნენ, როდესაც სასტუმროდან გამოდიოდნენ. ინსაიდერების ცნობით, ისინი სასტუმროდან 24 საათის განმავლობაში არ გამოსულან.
წყვილი საოცრად ბედნიერად გამოიყურებოდა, ბენს მუქი ლურჯი პალტო ეცვა, ჯეი ლო კი ტყავის ყავისფერ მანტოსა და ქვედაბოლოში იყო გამოწყობილი.
17 წლის შემდეგ „ბენიფერი“ „ოქროს გლობუსის“ დაჯილდოებაზე წითელ ხალიჩაზე პირველად გამოჩნდა, მათი ურთიერთობა ახლა ოფიციალურია და, სავარაუდოდ, მალე ჯეი ლო და ბენ აფლეკი დაქორწინდებიან კიდეც. რამდენიმე კვირის წინ პაპარაცებმა ბენ აფლეკი დედასთან სემთან და შვილთან სამუელთან ერთად მაღაზია Tiffany’s-ში დააფიქსირეს. როგორც ტაბლოიდები წერენ, მსახიობი იქ ნიშნობის ბეჭდის ასარჩევად იყო მისული.