თბილისი, 8 ოქტომბერი – Sputnik. მონტენეგროს პრეზიდენტი მილო ჯუკანოვიჩი დღეს საქართველოს პრემიერ-მინისტრ ირაკლი ღარიბაშვილთან შეხვედრას გამართავს.
მთავრობის ადმინისტრაციაში შეხვედრა როგორც პირისპირ, ისე გაფართოებულ ფორმატში გაიმართება, რის შემდეგაც საქართველოს მთავრობის მეთაური და მონტენეგროს პრეზიდენტი მასმედიისთვის ერთობლივ განცხადებებს გააკეთებენ.
ჯუკანოვიჩი საქართველოს პირველი ოფიციალური ვიზიტით გუშინ, 7 ოქტომბერს ეწვია. პირველი შეხვედრა მან ქართველ კოლეგა სალომე ზურაბიშვილთან გამართა.
საქართველომ და მონტენეგრომ დიპლომატიური ურთიერთობები 2007 წელს დაამყარეს. მას შემდეგ ქვეყნები აქტიურად თანამშრომლობენ ტურიზმის სფეროში და საერთაშორისო ორგანიზაციების ფორმატებში.