თბილისი, 7 ოქტომბერი — Sputnik. საქართველოს პროფესიული კავშირების გაერთიანების რიგით მე-14 საანგარიშო-საარჩევნო ყრილობამ გაერთიანების თავმჯდომარედ კვლავ ირაკლი პეტრიაშვილი აირჩია.
ყრილობაში 22 დარგობრივი პროფკავშირული ორგანიზაციიდან 213 დელეგატი მონაწილეობდა.
ირაკლი პეტრიაშვილმა დელეგატების უმრავლესობის მხარდაჭერა მოიპოვა და ის პროფესიული კავშირების გაერთიანებას კიდევ 4 წლის განმავლობაში უხელმძღვანელებს.
პირველად პეტრიაშვილი პროფკავშირს სათავეში 2005 წელს ჩაუდგა. 2016 წლის დეკემბერში ირაკლი პეტრიაშვილი აირჩიეს პროფკავშირების პან ევროპული რეგიონული საბჭოს (ITUC PERC) პრეზიდენტად.