თბილისი, 5 ოქტომბერი − Sputnik. სოციალურ ქსელ Facebook-ის მუშაობაში შეფერხებები მაგისტრალური როუტერების კონფიგურაციაში ცვლილებებმა გამოიწვია, აცხადებენ კომპანიაში.
„ქსელურ ტრაფიკში ამ შეფერხებამ კასკადური ზემოქმედება მოახდინა მონაცემთა დამუშავების ცენტრებთან კავშირის მეთოდზე, რასაც ის მოჰყვა, რომ ჩვენმა სერვისებმა მუშაობა შეწყვიტა“, − ნათქვამია „ფეისბუქის“ ინჟინერთა საიტზე გამოქვეყნებულ განცხადებაში.
ამასთან კომპანიაში ირწმუნებიან, რომ მომხდარის შედეგად კლიენტთა მონაცემების გაჟონვა არ მომხდარა.
ორშაბათს Facebook-მა, Instagram-მა, WhatsApp-მა და კომპანიის კუთვნილმა სხვა რამდენიმე დანართმა მუშაობა თითქმის შვიდი საათით შეწყვიტა და ისინი მიუწვდომელი აღმოჩნდნენ მომხმარებლებისთვის.
Downdetector-ის ინფორმაციით, „ფეისბუქისთვის“ ეს ყველაზე დიდი შეფერხება იყო მის ისტორიაში. მომხდარის ფონზე სოციალური ქსელის აქციები თითქმის 5%-ით დაეცა, ხოლო მისმა დამფუძნებელმა მარკ ცუკერბერგმა დაახლოებით 7 მლრდ დოლარი იზარალა.