თბილისი, 2 ოქტომბერი – Sputnik. ჩვენ დიდი იმედით ვუყურებთ დღევანდელ არჩევნებს, ბრძანა სრულიად საქართველოს კათოლიკოს-პატრიარქმა ილია მეორემ დღევანდელ არჩევნებზე ხმის მიცემის შემდეგ.
ილია მეორემ ხმა გადასატანი ყუთის მეშვეობით საპატრიარქოში მისცა.
საპატრიარქოს საზოგადოებასთან ურთიერთობის სამსახურის ინფორმაციით, საქართველოს ეკლესიის მეთაურმა ხმა მისცა კრწანისის საარჩევნო ოლქში არსებული საპილოტე პროექტის ფარგლებში, რომელიც ელექტრონულ ტექნოლოგიებს ეფუძნება.
„ვფიქრობ, რომ ის პრობლემები, რომლებიც დგას დღეს ჩვენი ქვეყნის წინაშე, იქნება დადებითად გადაწყვეტილი. ღმერთმა დალოცოს სრულიად საქართველო", - აღნიშნა უწმინდესმა და უნეტარესმა.
2 ოქტომბრის არჩევნებზე ქვეყანაში 3.664 საარჩევნო უბანი გაიხსნა.
საკრებულოს არჩევნები შერეული სისტემით ტარდება. პროპორციული სისტემით დეპუტატებს პარტიებისთვის მიცემული ხმებით აირჩევენ, ხოლო მაჟორიტარებს - კანდიდატისთვის ხმის მიცემით.
არჩევნები ამომრჩევლის ნებისმიერი აქტივობის შემთხვევაში ჩაითვლება ჩატარებულად.