თბილისი, 27 სექტემბერი - Sputnik. საქართველოს საზოგადოებრივი მაუწყებლის „პირველი არხის“ ცნობილი ტელეწამყვანი დავით სოკოლოვი გარდაიცვალა, ამის შესახებ ჟურნალისტმა მაკა რაზმაძემ სოციალურ ქსელში დაწერა.
„ჩემი უსაყვარლესი მეგობარი წავიდა... ტელელეგენდა დავით სოკოლოვი გარდაიცვალა”, - დაწერა მაკა რაზმაძემ
დავით სოკოლოვი ქართულ ტელევიზიაში მისი დაარსების პირველივე წლებიდან მუშაობდა, მას დაახლოებით 35 წლის განმავლობაში მიჰყავდა პროგრამა „მოამბე“ და სხვა საზოგადოებრივ–პოლიტიკური გადაცემები. ტელევიზიის პარალელურად მას გადაცემები მიჰყავდა რადიოშიც.
4 თებერვალს საქართველოს საზოგადოებრივი მაუწყებლის „პირველმა არხმა“ ცნობილ ტელეწამყვანს დავით სოკოლოვს ვარსკვლავი გაუხსნა.
ბოლო წლებში დავით სოკოლოვს ჯანმრთელობის პრობლემები აწუხებდა. გასული წლის შემოდგომაზე მან ინფარქტი გადაიტანა.