თბილისი, 25 სექტემბერი - Sputnik. ფოთში ძლიერმა ქარმა დააზიანა საცხოვრებელი სახლების სახურავები, წააქცია ხეები, ზოგიერთი უბანი ელექტროენერგიის გარეშე დარჩა, იუწყება ქალაქის მუნიციპალიტეტის მერია.
აღინიშნა, რომ ფოთის მუნიციპალიტეტში 16:50 საათზე ძლიერი ქარი (17- 32 მ/წმ-დე) დაფიქსირდა.
მერიის შესაბამისი სამსახურები ქალაქის სხვადასხვა უბანში არსებულ ვითარებას ადგილზე ეცნობიან.
მიმდინარეობს სახლების გადახურვა დროებითი გადასახური მასალით.
სტიქიით მიყენებულ ზარალს სპეციალური კომისია სწავლობს. ზარალის დათვის შემდეგ დაზარალებულ ოჯახებს შესაბამისი დახმარება გაეწევა, აცხადებენ მერიაში.
გუშინ და დღეს უამინდობამ პრობლემები საქართველოს მასშტაბით შექმნა.