ცოტა ხნის წინ ცნობილი გახდა, რომ კეიტ მიდლტონის ძმა ჯეიმს მიდლტონი თავის რჩეულზე ალიზა ტევენზე დაქორწინდა. საიდუმლო ქორწილი პროვანსში გაიმართა, თუმცა ამ დრომდე მეტი დეტალი ცნობილი არ იყო.
სოციალურ მედიაში ახლა ვრცელდება პირველი ფოტოები საიდუმლო ქორწილიდან. ფოტოები ინტერნეტში ქალაქის მერმა გაავრცელა და დეტალებიც გაასაჯაროვა.
გაირკვა, რომ ქორწილს 50-მდე სტუმარი ესწრებოდა. მათ შორის იყვნენ კეიტ მიდლტონი და პრინცი უილიამი შვილებით, ჯეიმსის მეორე და პიპა და მშობლები, მაიკლ და კეროლ მიდლტონები.
ფოტოებზე ჩანს ულამაზესი ადგილი, სადაც ხელის მოწერის ცერემონია შედგა, ლამაზად გაწყობილი მაგიდა, ყვავილებით მორთული ინტერიერი. თავად მეუღლეები კი ვინტაჟური ავტომობილიდან პოზირებენ.