თბილისი, 11 სექტემბერი – Sputnik. უახლოეს 48 საათში საქართველოში ამინდი მნიშვნელოვნად გაუარესდება, იუწყება გარემოს ეროვნული სააგენტო.
კერძოდ, 11 სექტემბერს დღის ბოლოდან 13 სექტემბრის დილამდე საქართველოში მოსალოდნელია დროგამოშვებით ხანმოკლე წვიმა ელჭექით, ზოგან ძლიერი, შესაძლებელია სეტყვა და ქარის გაძლიერება.
მოსალოდნელმა ძლიერმა ნალექებმა შესაძლებელია საქართველოს მდინარეებზე წყლის დონის მნიშვნელოვანი მატება, ხოლო ქვეყნის მთიან ზონებში მეწყრული პროცესების ჩასახვა-გააქტიურება გამოიწვიოს, აღნიშნავენ უწყებაში.