„რაც შეეხება განსაკუთრებულ რისკებს, ესაა ნერვული სისტემის სხვადასხვა თანდაყოლილი მძიმე ქრონიკული პათოლოგია, გულ-სისხლძარღვთა პათოლოგია, ფილტვის ქრონიკული დაავადებები, თირკმლის ქრონიკული უკმარისობა, ღვიძლის დაავადებები და შაქრიანი დიაბეტი. შესაბამისი რეკომენდაციები მიეცემათ პედიატრებსა და ოჯახის ექიმებს“, – განაცხადა მიქელაძემ.
„12-დან 16 წლამდე ასაკობრივ ჯგუფში ორი ძირითადი პრინციპია გასათვალისწინებელი. ამ ასაკობრივ ჯგუფში არიან მოზარდები თანმხლები დაავადებებით, რომელთა ვაქცინაციას ბევრი ქვეყანა უჭერს მხარს, რა თქმა უნდა, მშობლისა და მკურნალი ექიმის თანხმობით. თუმცა, რამდენად მიზანშეწონილია ვისაუბროთ მოზარდების ფართომასშტაბიან ვაქცინაციაზე მაშინ, როდესაც ჯანმოს ამასთან დაკავშირებით საბოლოო რეკომენდაციები არ გამოუცია, ეს მსჯელობის საგანია“, – განაცხადა გაბუნიამ.