თბილისი, 4 სექტემბერი - Sputnik. ზუგდიდის აგრარულ ბაზარში ხანძარი იყო, იუწყება „პირველი არხი“.
მოვაჭრეების განცხადებით, ხანძრის შედეგად ხუთი მაღაზია დაიწვა.
ადგილზე რამდენიმე სახანძრო ჯგუფი მუშაობს. ხანძარი უკვე ლიკვიდირებულია და სხვა ობიექტებს საშიშროება არ ემუქრება.
ბაზრის ტერიტორიაზე იმყოფებიან საპატრულო პოლიციის თანამშრომლები, ასევე მაღაზიების მეპატრონეები.
მომხდართან დაკავშირებით ბაზრის ხელმძღვანელობას კომენტარი ჯერ არ გაუკეთებია.
შემთხვევის შედეგად არავინ არ დაშავებულა.