თბილისი, 30 აგვისტო – Sputnik. სამხრეთ აფრიკის რესპუბლიკის სპეციალისტებმა გამოავლინეს კორონავირუსის ახალი შტამი, რომელიც ვრცელდება სიჩქარით, რომელიც ახასიათებდა ერთ-ერთ ყველაზე საშიშ – „ბეტა“ და „დელტა“ შტამებს მათი გამოვლენის პერიოდში. ამის შესახებ ნათქვამია კვლევის პრეპრინტში, რომელიც გამოქვეყნდა ვებ-გვერდზე medRxiv.
როგორ მასალაშია აღნიშნული, მაისში ახალ შტამზე C.1.2 მოდიოდა სეკვენირებული ნიმუშების 0,2%, ივნისში – 1,6%, ხოლო ივლისში ამ მაჩვენებელმა შეადგინა 2%, რაც „ბეტა“ და „დელტა“ შტამების გავრცელების ტემპების მსგავსია სამხრეთ აფრიკაში მათი გამოჩენის ადრეულ ეტაპზე.
ექსპერტებმა გამოავლინეს, რომ ახალი შტამის გამოჩენა შედარებით სწრაფი მუტაციის შედეგია, მისი სიჩქარე შეადგენს დაახლოებით 41,8-ს წელიწადში, რაც 1,7-ჯერ სწრაფია მსოფლიოში SARS-CoV-2-ის გავრცელების ტემპებზე.
„ვირუსული ევოლუციის ზოგად სიჩქარესთან შედარებით მსგავსი მოკლე პერიოდის დაჩქარებული ევოლუცია ასევე დამახასიათებელი იყო „ალფა“, „ბეტა“ და „გამა“ შტამების გამოჩენისას“, – ნათქვამია კვლევაში.
სპეციალისტები ასევე აღნიშნავენ, რომ C.1.2-ში მუტაციების 52% ასევე აღმოჩენილია სხვა შტამებში, მათ შორის „ალფა“, „ბეტა“, „გამა“ და „დელტაში“, ზოგიერთი მუტაცია უკავშირდება მომატებულ ტრანსმისიულობას და იმუნიტეტისადმი მომატებულ მდგრადობას.