თბილისი, 25 აგვისტო – Sputnik. გოდერძის უღელტეხილზე ავტომობილი გზის სავალი ნაწილიდან ხევში გადავარდა. ინფორმაციას „TV25“ ავრცელებს.
ტელეარხის ცნობით, ავტომობილში სამი ადამიანი იმყოფებოდა, სამივე მათგანი უცხო ქვეყნის მოქალაქე იყო. შემთხვევის შედეგად ერთი არასრულწლოვანი გარდაიცვალა, სხვა დაშავებულების შესახებ ამ დროისათვის ინფორმაცია არ გავრცელებულა.
მომხდარზე გამოძიება სისხლის სამართლის კოდექსის 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.