თბილისი, 23 აგვისტო – Sputnik. სინოპტიკოსები მომდევნო დღეებში საქართველოში დროგამოშვებით წვიმასა და თბილ ამინდს ვარაუდობენ, იუწყება გარემოს ეროვნული სააგენტო.
სააგენტოს ცნობით, 23 და 24 აგვისტოს საღამოს და ღამის საათებში საქართველოში დროგამოშვებით იწვიმებს, ზოგან ელჭექი და სეტყვაა მოსალოდნელი. 25-26 აგვისტოს შესაძლოა გაწვიმდეს მხოლოდ ცალკეულ რეგიონებში.
დედაქალაქში 23-24 აგვისტოს მოსალოდნელია ხანმოკლე წვიმა, ხოლო 25-26 აგვისტოს უმეტესად უნალექო ამინდია ნავარაუდევი. თბილისში ტემპერატურა +32, +34 გრადუსი დაფიქსირდება.
დასავლეთ საქართველოში მომდევნო დღეებში +28, +33 გრადუსია მოსალოდნელი, ხოლო აღმოსავლეთ საქართველოში ჰაერი +32, +36 გრადუსადმე დათბება.