ნატო გელაშვილი მალე დედამთილი გახდება. ცნობილი კომპოზიტორი აქვეყნებს ვიდეოებს, სადაც ჩანს, როგორ სთხოვს ხელს მისი ვაჟი გიორგი ჭოხონელიძე თურქეთში მოგზაურობისას, რომანტიკულ გარემოში, იახტაზე საცოლეს ანეტა ნიკურაძეს.
ირკვევა, რომ ანეტას კონსერვატორია აქვს დამთავრებული, პიანისტია და წყვილი უკვე ერთი წელია რაც ერთმანეთს ხვდება.
კომპოზიტორ ნატო გელაშვილს ორი ვაჟი ჰყავს. გიორგი და ლუკა ჭოხონელიძეებს შორის სხვაობა მხოლოდ ერთი წელია და, როგორც თავად ამბობენ, ისინი ტყუპებივით გაიზარდნენ. ორივე მათგანი კარგი მუსიკალური მონაცემებით გამოირჩევა.