თბილისი, 22 აგვისტო - Sputnik. მეორე დღეა მაშველები აბაშის მუნიციპალიტეტის სოფელ გულეიკარში, მდინარე რიონში რვა წლის ბიჭს ეძებენ, იუწყება ტელეკომპანია „იმედი“.
გავრცელებული ინფორმაციით, მოზარდი მდინარეში საბანაოდ თანატოლებთან ერთად გუშინ, დღის მეორე ნახევარში შევიდა, რა დროსაც ისინი დინებამ გაიტაცა. მეთევზეებმა სამი მოზარდის გადარჩენა შეძლეს, თუმცა მეოთხე დაკარგულს ამ დრომდე ეძებენ.
საძიებო ღონისძიებებში მყვინთავ-მაშველებთან ერთად ჩართულია სპეციალური ტექნიკაც. მოწყობილია სპეციალური შტაბი და მობილიზებული არიან სამართალდამცავები. ადგილზე იმყოფებიან ასევე დაკარგული მოზარდის ოჯახის წევრები.
გადაუღებელი წვიმების გამო მდინარე ადიდებულია, რაც ვითარებას კიდევ უფრო ართულებს.
შსს-ს ცნობით, მომხდარზე გამოძიება საქართველოს სსკ-ის 115-ე მუხლით მიმდინარეობს, რაც თვითმკვლელობამდე მიყვანას გულისხმობს.