თბილისი, 20 აგვისტო – Sputnik. ქუთაისში 47 წლის კოვიდ-დადებითი ქალი ტყუპი ქალ-ვაჟის დედა გახდა. ამის შესახებ ინფორმაციას სოციალურ ქსელში კლინიკა „ბომონდი" ავრცელებს.
კლინიკის ინფორმაციით, ქალი შვილს 10 წლის განმავლობაში ელოდა.
„ტყუპი ქალ-ვაჟი ქვეყანას „კლინიკა ბომონდში“, ფერიცვალების დღესასწაულზე, საკეისრო კვეთის გზით მოევლინა. აღსანიშნავია, რომ გასული 24 საათის განმავლობაში კლინიკაში 10 ახალშობილი დაიბადა. აქედან 7 ფიზიოლოგიურ, ხოლო 3 კოვიდსამეანო განყოფილებაში გაჩნდა“, – აღნიშნულია განცხადებაში.
კლინიკის ინფორმაციით, დედებისა და ახალშობილების ჯანმრთელობის მდგომარეობა სტაბილურია.