საქართველოში კრიმინალი კვლავ მზარდია: შსს ახალ სტატისტიკას აქვეყნებს

თბილისი, 8 აგვისტო– Sputnik. 2021 წლის პირველ ნახევარში ჩადენილი დანაშაულების რაოდენობა 5,4%-ით გაიზარდა გასული წლის ანალოგიურ პერიოდთან შედარებით, ნათქვამია შსს–ს ვებ–გვერდზე განთავსებულ მასალებში.

2021 წლის 1 იანვრიდან 30 ივნისამდე დაფიქსირებულია 29 ათასზე მეტი დანაშაული,  საიდანაც გახსნილია მხოლოდ 40%.

შსს–ს მასალების მიხედვით, საქართველოში თვეში საშუალოდ 4,5–5 ათასი დანაშაული ფიქსირდება.

საქართველოში ყველაზე გავრცელებული დანაშაული კვლავ ქურდობაა – იანვრიდან ივნისის ჩათვლით დაახლოებით 8,3 ათასი ასეთი შემთხვევა დარეგისტრირდა. აქედან გახსნილია 32,21%.

მეორე ადგილზეა ოჯახური ძალადობა. ექვს თვეში დაფიქსირდა 2,7 ათასი ოჯახური ძალადობის შემთხვევა. აქედან გახსნილია 67%.

მესამე ადგილზე კი ნარკოტიკებთან დაკავშირებული დანაშაული აღმოჩნდა – 1,9 ათასი ფაქტი 6 თვეში, საიდანაც გახსნილია 80,9%.

გარდა ამისა, შსს–ს მონაცემებით, 2021 წლის პირველ ექვს თვეში ქვეყანაში დარეგისტრირდა 38 მკვლელობა, აქედან 18 – განსაკუთრებული სისასტიკით ჩადენილი, 143 – ჯანმრთელობისთვის ზიანის მიყენება, 93 – გაუპატიურება, 3 - ადამიანების მძევლად აყვანა, 8 – ადამიანებით ვაჭრობა, 17 – მექრთამეობა, 5 - ტერორიზმი.

საქართველოში 2021 წლის 30 ივნისამდე პერიოდში სხვადასხვა სახის ჩადენილი დანაშაულისთვის სისხლის სამართლის პასუხისმგებლობას მიეცა 10.708 ადამიანი. აქედან 719 პირობით სასჯელს იხდიდა. აქედან 3.359 დაკავებული სისხლის სამართლის პასუხისგებაში თბილისში მისცეს.