თბილისი, 1 აგვისტო – Sputnik. სრულიად საქართველოს კათალიკოს-პატრიარქი ილია მეორე არქიმანდრიტ იოაკიმეს (ასათიანი) გარდაცვალების გამო, სამძიმრის წერილს ავრცელებს.
არქიმანდრიტი იოაკიმე ასათიანი 92 წლის ასაკში კორონავირუსისგან გამოწვეული გართულებებით 29 ივლისს გარდაიცვალა.
„მამა იოაკიმეს წასვლით საქართველოს ეკლესიას ძველი თაობის რჩეული წარმომადგენელი გამოაკლდა. გულმხურვალე, ღვთისა და მოყვასისათვის თავდადებული, საოცრად კეთილი უვერცხლო მოძღვარი, მრავალთა გადამრჩენელი, რომელმაც დიდი ტკივილებით და წინააღმდეგობებით სავსე თითქმის ასწლოვანი ცხოვრება განვლო და რწმენის საოცარი მაგალითები გვიჩვენა. აღვავლენთ ლოცვებს მამა იოაკიმეს უკვდავი სულისთვის და შევთხოვთ უფალს, სავანესა მართალთასა დააწესოს იგი“, - აღნიშნულია სამძიმრის წერილში.
არქიმანდრიტი იოაკიმე თბილისის პირველი საუნივერსიტეტო კლინიკის რეანიმაციულ განყოფილებაში გადიოდა მკურნალობის კურსს.