ბევრისთვის საყვარელი ტელეწამყვანისა და მსახიობის რუსკა მაყაშვილის კარიერა და პირადი ცხოვრება მუდმივად ინტერესის საგანია. რუსკა ოჯახზე იშვიათად საუბრობს, რადგან, როგორც ერთ-ერთ ინტერვიუში აღნიშნა, მის მეუღლეს სანდრო ნიჟარაძეს კამერებთან გამოჩენა არ უყვარს.
რუსკამ და სანდრომ ერთმანეთი თინეიჯერობის ასაკში გაიცნეს, წლების შემდეგ დამეგობრდნენ და ეს მეგობრობა მალევე გადაიზარდა სიყვარულში. სანდრომ მომავალ მეუღლეს ხელი 2015 წელს სთხოვა. რუსკა იხსენებს, რომ ხელის თხოვნის დღეს შერიგდნენ, რადგან ფაქტობრივად დაშორებულები იყვნენ. წყვილს ახლა უკვე ორი შვილი, ილია და კატო ჰყავს.
რუსკა მაყაშვილმა პირად ცხოვრებასა და მეუღლესთან ურთიერთობაზე გადაცემა „სთორის“ ეთერში ისაუბრა. როგორც მსახიობი განმარტავს, მისი ხასიათი შვილების გაჩენის შემდეგ რადიკალურად შეიცვალა, მათ შორის, მეუღლესთან მიმართებითაც.
რუსკას თქმით, მას შემდეგ, რაც შვილები ეყოლა, ეჭვიანობის გრძნობა აღარ აწუხებს და ვერ ხვდება როგორ იყო ასეთი მანამდე, რადგან კოშმარია მამაკაცის მიმართ ეჭვიანი ქალი, არასდროს არ მოსწონდა მისი თავი ასეთი, მაგრამ იმ მომენტში სხვას ვერაფერს ხედავდა.
„ამის შემდეგ ჩემს თავს გვერდიდან რომ ვუყურებდი, მრცხვენოდა. საოცრად ეჭვიანი ვიყავი და უსაფუძვლოდაც ვეჭვიანობდი, მაგრამ ახლა ჩემს ქმართან ამ მხრივ ფანტასტიკური ურთიერთობა მაქვს და ერთმანეთთან არანაირი პრობლემა არ გვაქვს“, – ამბობს რუსკა.