ყურბან-ბაირამი — „მსხვერპლშეწირვის დღესასწაული“ — ისლამის მეორე ყოველწლიური რელიგიური დღესასწაულია. წელს ის 20 ივლისს იწყება და ტრადიციულად სამი დღე გასტანს.
ყურბან-ბაირამი დაკავშირებულია ბიბლიურ თქმულებასთან — აბრაამის მიერ წმინდა ცხოველის შეწირვასთან. იგი მთელ ისლამურ სამყაროშია გავრცელებული.
აღსანიშნავია, რომ ძველ ტფილისში მუსლიმი მოსახლეობა ასევე სამი დღე ზეიმობდა ყურბან-ბაირამს, როდესაც ცხვარ-ძროხას კლავდნენ, ფლავს ხარშავდნენ და ახლობლებსა და ღარიბ-ღატაკებს უმასპინძლდებოდნენ. სავარაუდოდ, აქედან უნდა იყოს გავრცელებული გამოთქმა „ბაირამობა“, ანუ დროსტარება.