თბილისი, 8 ივლისი – Sputnik. ქართველმა სუმოისტმა ლევან გორგაძემ, იგივე ტოჩინოშინმა ნაგოია ბაშოს მეხუთე დღეს გაიმარჯვა.
ივლისის ბაშოზე ლევან გორგაძესთვის ეს პირველი გამარჯვებაა. ქართველი სუმოისტი დღეს ტერუცუიოშის დაუპირისპირდა და ბრძოლა ცუკიოტოშის ილეთით მოიგო. შედეგად – ტოჩინოშინის ანგარიშზე მიმდინარე ბაშოზე ერთი გამარჯვება და ოთხი მარცხია.
ნაგოია ბაშოს მეექვსე დღეს ტოჩინოშინის მეტოქე მე-16 მაეგაშირა ჩიონოკუნი იქნება.
აღსანიშნავია, რომ ტოჩინოშინმა მაისში ტოკიოში გამართული ბაშო მხოლოდ ხუთი მოგებით დაასრულა და აღმოსავლეთის მე-7 მაეგაშირას წოდება დაკარგა. საზაფხულო სუპერტურნირზე კი ის აღმოსავლეთის მე-12 მაეგაშირას წოდებით გამოდის.