თბილისი, 7 ივლისი – Sputnik. UFC-ს მებრძოლი ნახევრად მსუბუქ წონაში გიგა ჭიკაძე მისი კარიერის ყველაზე მნიშვნელოვან ბრძოლას გამართავს. ის ოქტაგონზე გამოცდილი ბრაზილიელი მებრძოლის ედსონ ბარბოსას წინააღმდეგ გამოვა.
ჭიკაძისა და ბარბოსას ორთაბრძოლა 28 აგვისტოს გაიმართება და ის UFC Fight Night-ის მთავარი მოვლენა (Main event) იქნება, რაც გიგას კარიერაში პირველად ხდება.
რაც შეეხება გიგას მომავალ მოწინააღმდეგეს, ბარბოსას ანგარიშზე UFC-ში 22 გამარჯვება და ცხრა მარცხია. ბრაზილიელი ბოლოს მიმდინარე წლის მაისში შეინ ბურგოსს დაუპირისპირდა და ნოკაუტით გამარჯვება იზეიმა.