თბილისი, 4 ივლისი - Sputnik. მესტიის მუნიციპალიტეტში, ხაიშის მონაკვეთთან, მდინარე ენგურში 50 წლამდე მამაკაცს ეძებენ. იუწყება ტელეკომპანია „რუსთავი2“.
გავრცელებული ინფორმაციით, იდლიანის მკვიდრი მამაკაცი მდინარეში საკუთარი მიკროავტობუსით გადავარდა.
შემთხვევა გუშინ, ჯვარი-ხაიშის დამაკავშირებელ საავტომობილო გზაზე მოხდა. წინასწარი ინფორმაციით, მანქანაში მძღოლი მარტო იმყოფებოდა. მაღალი სიჩქარით მოძრავმა ავტომობილის მძღოლმა საჭე ვერ დაიმორჩილა და მდინარეში გადავარდა.
არსებული ინფორმაციით, მამაკაცი მესტია-თბილისის სამარშუტო ხაზზე მუშაობდა.