თბილისი, 14 ივნისი — Sputnik. დასავლეთ საქართველოში ელექტროგადამცემ ხაზზე „იმერეთი 500“ ავარია მოხდა, რის გამოც თბილისისა და რეგიონების დიდი ნაწილი ელექტროენერგიის გარეშე დარჩა, იუწყება სახელმწიფო ელექტროსისტემა.
უწყების ცნობით, ავარიული გათიშვა ადგილობრივი დროით 14:00 საათზე მოხდა.
„დღეს, 14 ივნისს, 14:00 საათზე ავარიულად გამოირთო 500 კვ-იანი ელექტროგადამცემი ხაზი „იმერეთი” და ჰიდროელექტროსადგური „ენგურჰესი”, რის გამოც ელექტროენერგიის მიწოდება შეეზღუდა საქართველოს მოსახლეობის უმეტეს ნაწილს. ამ ეტაპზე მიმდინარეობს ავარიის ლიკვიდაციის სამუშაოები“, – ნათქვამია განცხადებაში.
საქართველოს სახელმწიფო ელექტროსისტემა აბონენტებს აღნიშნული შეფერხების გამო ბოდიშს უხდის.