კომპოზიტორი მაიკო კაჭკაჭიშვილი სოციალურ ქსელში წერს, რომ საშინელ ავარიას გადაურჩა. ის აღნიშნავს, რომ ამ დღის მერე ბევრი რამ გადააფასა.
კომპოზიტორის თქმით, ისეთ სიტუაციაში მოხვდა, სადაც გადარჩენის შანსი ერთი პროცენტიც კი არ იყო. მიდიოდა გზაზე და სასტუმრო „რედისონთან“ არსებული გვირაბის გასასვლელთან მის წინ ჯიპის ტიპის ავტომობილი მსუბუქ ავტომობილს ისეთი ძალით შეეჯახა, რომ ის ჰაერში აიწია და მისი მანქანისკენ გაფრინდა. ამბობს, რომ არ ახსოვს როგორ გადარჩა უვნებლად – მანქანამ მის მანქანას გადაუფრინა, თუ თავად გააკეთა ისეთი მანევრი, რომ მას აერიდა.
„დღეს პირველად გავიგე, რა არის სიკვდილი! მოკლედ, მგონია, რომ ყველაფერი სხვანაირია. ვერ გამოვდივარ მდგომარეობიდან, არ მშორდება კადრი თვალებიდან. მგონია, რომ წარსული არ მქონია და ახლა დავიბადე“, – წერს კომპოზიტორი.