თბილისი, 1 მაისი - Sputnik. გვიან ღამით, თბილისში მოსული უხვი ნალექის გამო შინაგან საქმეთა სამინისტროს საზოგადოებრივი უსაფრთხოების მართვის ცენტრ „112“-ში 100-მდე შეტყობინება შევიდა, იუწყება საგანგებო სიტუაციების მართვის სამსახური.
ძლიერმა წვიმამ გვიან ღამით დიდ დიღომსა და სოფელ დიღომში ქუჩები დატბორა, უხვმა ნალექმა პრობლემები შექმნა საცხოვრებელი სახლების სარდაფებში, ეზოებსა და სხვადასხვა ქუჩებზე. უწყების ცნობით, მეხანძრე-მაშველებმა ყველა ლოკაციაზე მოახდინეს რეაგირება.
თბილისის მასშტაბით მოსახლეობის დახმარების მიზნით, 20-მდე სახანძრო-სამაშველო ჯგუფი მუშაობდა.
უწყებაში აცხადებენ, რომ დაშავებულების შესახებ ინფორმაცია არ დაფიქსირებულა.