თბილისი, 23 აპრილი - Sputnik. თბილისში ძლიერი ქარის შედეგად ავტომობილს ხე დაეცა, იუწყება პირველი არხი.
შემთხვევა დღეს თამარ მეფის ხიდის მიმდებარე ტერიტორიაზე მოხდა.
გავრცელებული ინფორმაციით, შემთხვევის დროს ავტომობილში მხოლოდ მძღოლი იმყოფებოდა, თუმცა ის არ დაშავებულა.
„მერიის შესაბამისი „ეკოსერვის ჯგუფის“ სამსახური ადგილზე დაუყოვლებლივ გამოცხადდა. ასევე სამაშველო სამსახური და ველოდებით საგამოძიებო ორგანოების შესაბამისი სამუშაოების ჩატარებას. ამის შემდეგ დავამუშავებთ და გავიტანთ ტერიტორიიდან წაქცეულ ხეს“, – განაცხადა „ეკოსერვის ჯგუფის“ სპეციალური და მოვლითი ჭრების სამსახურის უფროსმა ლადო ლატარიამ.
სინოპტიკოსების ინფორმაციით, 24 აპრილამდე საქართველოში მოსალოდნელია დროგამოშვებით წვიმა, ზოგან ძლიერი ქარი, შესაძლებელია ელჭექი.