თბილისი, 8 აპრილი - Sputnik. წალენჯიხაში სატვირთო ავტომობილი გზიდან გადავიდა, შემდეგ კი ხევში გადავარდა - ავარიის შედეგად დაზიანდა ელექტროგადამცემი ხაზი.
პირველი არხის მონაცემებით, მძღოლმა საჭე ვერ დაიმორჩილა, სატვირთო ავტომობილი ჯერ ბეტონის ჯებირებს, შემდგომ კი მაღალი ძაბვის ბოძს შეეჯახა და ხევში გადავარდა.
მძღოლი კიდურების მოტეხილობით საავადმყოფოში გადაიყვანეს. ქალაქის მოსახლეობის ნაწილი კი ელექტროენერგიის გარეშე დარჩა.
ადგილზე Energo Pro Georgia-ს თანამშრომლები და პოლიცია მუშაობს.