თბილისი, 8 აპრილი — Sputnik. კორონავირუსის პანდემიამ მსოფლიოში 150 მილიონი ადამიანი გააღარიბა, იუწყება სააგენტო Bloomberg კვლევით ცენტრ Pew Research Center-ის დათვლებზე დაყრდნობით.
სპეციალისტების შეფასებით, ეს დაახლოებით იმდენია, რამდენიც დიდი ბრიტანეთისა და გერმანიის მოსახლეობა ერთად აღებული.
კვლევის თანახმად, გლობალური საშუალო კლასი პირველად შემცირდა ბოლო 30 წლის განმავლობაში.
ყველაზე მეტად დაზარალდნენ ინდოეთი, სამხრეთი აზია, აფრიკისა და ახლო აღმოსავლეთის ქვეყნები.
Pew-ის კლასიფიკაციით, საშუალო კლასს განეკუთვნებიან ადამიანები, რომლებიც დღეში 10-დან 20-მდე აშშ დოლარს გამოიმუშავებენ. ამ განსაზღვრების თანახმად, გლობალური საშუალო კლასის რაოდენობა დაახლოებით 2,5 მლრდ ადამიანი, ანუ მსოფლიო მოსახლეობის მესამედია.