ვინ ცხენის ნალს ჰკიდებს ბინაში შესასვლელი კარის თავზე, ვინ სპილოების პატარა ფიგურებს ამწკრივებს აღმოსავლური ტრადიციის თანახმად და ვინ კიდევ წითლად ღებავს სადარბაზო კარს. ეს უკანასკნელი ალბათ იმიტომ, რომ გზად ჩამოვლილ წარმატებას არ გამორჩეს და აუცილებლად დაინახოს თქვენი ბინა.
მაგრამ ბევრი ადამიანის რწმენით, ბედნიერება ოჯახში ფანჯრიდან არჩევს შესვლას, ვინაიდან „ფანჯრები — ეს ჩვენი სახლის თვალებია, რომლითაც ის სამყაროს უმზერს“. ამიტომ სწორედ მათი მეშვეობით უნდა მოვუხმოთ სიკეთეს.
და თუ ეს მართლაც ასეა, მაშინ ასე მოიქეცით:
შეარჩიეთ ბინის ყველაზე მზიან მხარეს განთავსებული ფანჯრები და კარგად გაწმინდეთ ისინი. თან იმეორეთ:
„ჩემო ფანჯარავ, შენ გამტარი ხარ და შემოატარე ბედნიერება ჩემს სახლში!“
ამის შემდეგ, რამდენჯერაც სარკმელს გააღებთ ჰაერის გასაწმენდად და ოთახების გასანიავებლად, ყოველთვის თქვით:
- „ბედნიერებავ და წარმატებავ, შემოფრინდით ჩემს სამყოფელში!“
არ დაიჯერებთ და ბევრს მიაჩნია, რომ ამ მარტივი პროცედურების შემდეგ ხშირად მართლაც ლაგდება ცხოვრება. ყოველ შემთხვევაში, ოჯახის წევრების განწყობა ნამდვილად უმჯობესდება და პრობლემებით დამძიმებულ ადამიანებს ჩხუბისა თუ აყალმაყალის სურვილი უკვალოდ ეკარგებათ.
ამბობენ, რომ ამ პროცედურის ჩატარებიდან სამ დღეში თქვენი ფანჯარა უბრალოდ ჩარჩოში ჩასმული მინა კი აღარ იქნება, არამედ ერთგვარი კარი ზეციური სამყაროდან „გზავნილების“ მისაღებად.
რაც შეეხება კონკრეტული მიმართულების „ბედნიერებას“, ისინი ასე უნდა მოიხმოთ:
თუ სიყვარულში გსურთ რომ გაგიმართლოთ – მაშინ აუცილებლად საკუთარი ხელით გამოჭერით წითელი ქაღალდისგან გული და ორი სიტყვით დააწერეთ ზედ თქვენი სურვილი. გიმეორებთ: კი ნუ იყიდით მზა, პრიალა ქაღალდის გულს, არამედ თავად გამოჭერით, რათა მან თქვენი ენერგია შეისრუტოს. ასე უფრო ეფექტური იქნება.
ამის შემდეგ გული ფანჯრის მინას მიაკარით. მნიშვნელობა არ აქვს, სად და რა ადგილზე, მთავარია, რომ რაფაზე კი არ იდოს, არამედ გარეთ იყურებოდეს.
ფულთან დაკავშირებული პრობლემების დროსაც იგივენაირად მოიქეცით. აიღეთ მწვანე ფურცელი, გამოჭერით კუპიურის ზომისა და ფორმის სწორკუთხედი და დააწერეთ ზედ თანხის რაოდენობა, რომელიც გჭირდებათ. ნუ მოითხოვთ მილიონებს, დაწერეთ იმდენი, რამდენიც რაღაც კონკრეტული საქმისთვის თუ საყიდლისთვისაა აუცილებელი.
თუ რომელიმე ძველი პრობლემის მოგვარება გსურთ, ყვითელ ფურცელზე დაწერეთ მისი რაობა და ითხოვეთ, რომ ყველასთვის სასარგებლოდ მოგვარდეს იგი. არ დაიჯერებთ და ეს მეთოდიც თურმე უკვე ორიოდე დღეში იწყებს მუშაობას. ოღონდ შესაძლოა არა ისე, როგორც ეს თქვენ გსურთ. სამყარომ თავად იცის, როგორ უნდა მოიქცეს.
რამდენ ხანს უნდა გქონდეთ ფურცელი მინაზე გაკრული? რამდენ ხანსაც თავად ჩაუთქვამთ: ერთი დღე, ორი, სამი... ერთი კვირა ან ერთი თვე. მთავარი აქ ისაა, რომ აუცილებლად ხვდებოდეს მზის სხივები.
ბოლოს, როდესაც ფურცელს ფანჯრიდან ჩამოხსნით, აუცილებლად დაწვით ის.
სცადეთ, იქნებ მართლაც მუშაობს ეს მხიარული ჯადოსნობა?