თბილისი, 26 მარტი – Sputnik. კახა კალაძეს ვერტებრო-ბაზილარული სინდრომი და ვესტუბულოპათია დაუდასტურდა, ამის შესახებ თბილისის მერი საკუთარ ფეისბუქ–გვერდზე წერს.
კალაძის ინფორმაციით, ამ დროისთვის ის თბილისის ერთ-ერთ კლინიკაში სამედიცინო კვლევებზე იმყოფება.
„თავს ვალდებულად ვთვლი მოგაწოდოთ ინფორმაცია: დამიდასტურდა ვერტებრო- ბაზილარული სინდრომი და ვესტუბულოპათია, რის გამოც ვიმყოფები სამედიცინო კვლევებზე თბილისის ერთ-ერთ კლინიკაში. ვმუშაობ დისტანციურ რეჟიმში და ვაგრძელებ მკურნალობას. შეხვედრამდე!" — წერს კახა კალაძე.
როგორც დედაქალაქის მერი წერს, უამრავი შეტყობინება მისდის ნაცნობებისა და სრულიად უცნობი ადამიანებისგან, ამიტომ გადაწყვიტა, თავად გაევრცელებინა ჯანმრთელობის შესახებ ინფორმაცია.
ვერტებრო-ბაზილარული უკმარისობა – თავის ტვინის კომპლექსური დაავადებაა, რომელიც ტვინში სისხლის მიმოქცევის შემცირების გამო ვითარდება.