თბილისი, 20 მარტი - Sputnik. იაპონიის დედაქალაქ ტოკიოში მიმდინარე მარტის ბაშოზე ქართველმა სუმოისტმა ლევან გორგაძემ, იგივე ტოჩინოშინმა მე-4 შეხვედრა წააგო.
ჰარუ ბაშოს მე-7 დღეს ლევან გორგაძე მე-5 მაეგაშირა ენდოს შეხვდა და შიტატედაშინაგეს ილეთით დამარცხდა. იაპონელმა სუმოისტმა შეხვედრის დასაწყისშივე შეჯახებას თავი აარიდა, რის შედეგადაც ტოჩინოშინმა წონასწორობა დაკარგა და სამწუხარო მარცხი განიცადა.
ქართველი სუმოისტის შემდეგი მეტოქე ხვალ მე-10 მაეგაშირა მიდორიფუჯი იქნება.
ტოჩინოშინს მიმდინარე ბაშოზე უარყოფითი ბალანსი აქვს, მის ანგარიშზე სამი მოგება და ოთხი მარცხიაა.