თბილისი, 17 მარტი – Sputnik. საქართველოს პირველმა ჩოგანმა ნიკოლოზ ბასილაშვილმა (АТР-ს რეიტინგში 36-ე ნომერი) დუბაიში (არაბთა გაერთიანებული საამიროები) АТР-500 სერიის ტურნირზე პირველივე მატჩი წააგო.
პირველი წრის მატჩი ბასილაშვილმა გამოტოვა, ხოლო მეორე რაუნდში ამერიკელ ტეილორ ფრიცთან (30) სამ სეტში წააგო (6:4, 3:6, 6:7). მატჩი ორ საათზე მეტხანს გაგრძელდა.
ეს ორი ჩოგბურთელი გასულ კვირაში კატარში ტურნირის ნახევარფინალში შეხვდა ერთმანეთს. მაშინ ბასილაშვილმა ორ სეტში მოიგო (7:6, 6:1) და შემდეგ საბოლოოდ ტურნირის გამარჯვებული გახდა.
Dubai Duty Free Tennis Championships-ის მეორე რაუნდში მონაწილეობამ ქართველ ჩოგბურთელს საშუალება მისცა, რომ 20 სარეიტინგო ქულა და 19 ათასი დოლარი გამოემუშავებინა.
ნიკოლოზ ბასილაშვილი დოჰას ტურნირის გამარჯვებულია>>
დუბაის ტურნირის საერთო საპრიზო ფონდი 2 მილიონზე ცოტა მეტია. მოქმედი გამარჯვებულია სერბი ნოვაკ ჯოკოვიჩი.