თბილისი, 8 მარტი – Sputnik. დღეიდან კურორტ გოდერძიზე, ქვეყნის სხვა სამთო–სათხილამურო კურორტების მსგავსად, საბაგიროები ამოქმედდა, იუწყება აჭარის ტურიზმისა და კურორტების დეპარტამენტი.
დაწესებული რეგლამენტის თანახმად, გონდოლაში ერთდროულად მხოლოდ სამი კაცი შეიძლება იმყოფებოდეს.
რაც შეეხება განთავსებას, კურორტზე სასტუმროებმა 25 თებერვლიდან განახლეს მუშაობა. დღევანდელი მონაცემებით, სტუმრებს გოდერძის სამი სასტუმრო და რამდენიმე კოტეჯი იღებს.
საქართველოში სამთო–სათხილამურო კურორტებმა ჩვეულ რეჟიმში მუშაობა 8 მარტიდან განაახლეს, თუმცა რიგი შეზღუდვები მაინც მოქმედებს.