თბილისი, 24 თებერვალი – Sputnik. სპორტული დარბაზები 15 მარტიდან მუშაობას განაახლებენ. ამის შესახებ საქართველოს პრემიერ-მინისტრმა, ირაკლი ღარიბაშვილმა საკოორდინაციო საბჭოს სხდომის შემდეგ განაცხადა.
ქვეყანაში შექმნილი ეპიდსიტუაციის გამო საქართველოს დიდ ქალაქებში სპორტული დარბაზების მუშაობა 28 ნოემბრიდან აიკრძალა.
„სპორტული დარბაზები ფუნქციონირებას განაახლებენ 15 მარტიდან განსაზღული რეგულაციიების დაცვით“, - განაცხადა იარკლი ღარიბაშვილმა.
ქვეყანაში არსებული ეპიდვითარებიდან გამომდინარე, 8 თებერვლიდან მთავრობამ შეზღუდვების ეტაპობრივი მოხსნა ვადაზე ადრე გადაწყვიტა.
საქართველოს მასშტაბით კვლავ ძალაში რჩება 21:00 საათიდან 05:00 საათამდე ქუჩაში გადაადგილება.
სპორტული დარბაზების და ფიტნეს–ცენტრების გახსნის მოთხოვნით ფიტნეს-კლუბების წარმომადგენლებმა და სპორტსმენებმა საპროტესტო აქციები არაერთხელ გამართეს.